想為屋企增添藝術氣質？美國科技品牌NETGEAR旗下嘅Meural嘅數位藝術畫框Meural Canvas喺香港正式推出，依個數位畫框除咗可以展示你嘅攝影作品之外，仲可以比你收藏自己中意嘅名畫添！
Meural Canvas本身已經內置100張圖片，不過如果你想透過畫框展示更多圖片嘅話都唔洗驚，因為Meural同世界各地超過50間藝術館合作，擁有正版嘅網上收藏庫，用戶只需支付USD$49.95 年費，就可以加入Meural Membership，獲得超過30,000幅藝術作品嘅權限，當中包括文藝復興、印象派、當代、抽象、新興等唔同風格嘅藝術作品，甚至包括著名畫家達文西、莫內、梵高嘅著作。除咗畫作之外，仲有一啲建築、風景、現代嘅攝影作品添！啱晒對藝術有興趣嘅你啦！
智能畫框用咗NETGEAR獨家嘅TrueArt顯示技術，加上防眩光嘅啞面熒幕，無論作品係油畫、水彩畫、素描定係浮世繪都好，Meural Canvas都可以將作品筆觸近乎完美咁顯現出黎，有分明嘅層次，令作品栩栩如生咁活現係你嘅眼前，就好似見到真跡咁！
喺顯示作品嘅同時，畫框亦附有Art Card以提供作品資料，例如作品名、作者、年份同背景等等，所以Meural Canvas亦都可以成為你嘅專業賞析導覽。
為咗方便用戶使用，Meural Canvas更建立咗專屬嘅應用程式Meural App，喺依個應用程式入面，用戶可以根據自己嘅需要上傳自己嘅作品，你仲可以為自己嘅作品編輯Art Card內容，並將作品歸類，建立唔同系列嘅播放清單。
除咗顯示之外，畫框仲支援動態偵測功能，只要用戶喺螢幕前面左右滑動，螢幕畫面就會顯示唔同嘅影像，如果你喺螢幕到向上活動，係螢幕下方就會出現Art Card。除咗動態偵測之外，用戶更可以連結屋企嘅無線網絡，透過Meural Canvas內置Amazon嘅AI助手Alexa用語音指令轉換畫面，非常方便㗎！
除此之外，畫框仲非常智能，Meural Canvas會自動透過感應器根據環境光暗程度調節亮度，當處於完全黑暗嘅環境之中，智能畫框會自動進入休眠狀態，節省電力。
雖然Meural Canvas比起一般畫框昂貴，但如果對藝術有要求，希望可以掛一啲正版彷真度高嘅名畫喺屋企係話，都可以考慮下㗎！
Meural 智能畫框連3年Meural Membership會籍
黑木框 / 白木框：$7600
胡桃木框：$8600
想了解更多Meural Canvas嘅資料，可以參考佢哋嘅官方片段，並喺官網進行訂購:
Cr: NETGEAR