咩係Segmentation（市場區隔）?
Segmentation即係將不同消費者嘅性別、年紀、學歷、價值觀以及行為等等嘅因素，將一個一個嘅客戶個體歸納成不同嘅客戶群。最終目標係希望同每個類型嘅客戶群會對品牌都會對為佢地度身訂造嘅營銷策略有正面嘅反應。
以下就有四種可以幫助你區隔不同市場嘅方法：
- Demographic Segmentation （人口區隔）
由於關於人口嘅數據一般都比較容易搜集，呢個亦係最常被企業使用嘅方法之一。顧名思義，人口區隔就係透過性別、年齡、性別、收入、教育、種族等嘅人口數據進行分類。如果你嘅業務係B2B嘅形式，咁就可以留意客戶嘅公司規模、行業、業務技能等等嘅資料。
- Geographic Segmentation （地理區隔）
你同時可以就客戶嘅國家、城市、甚至地區了解佢地嘅購買喜好。如果係跨國企業，地理區隔可以有效幫助營銷人員理解客戶因為不同文化嘅思考模式，甚至可以根據佢地嘅地理位置嘅氣候等特點，設計相應嘅營銷策略。
- Behavioural Segmentation （行為區隔）
行為區隔就係利用不同用戶或客戶群嘅消費習慣、用戶狀態、品牌互動程度等嘅行為模式嚟區隔。如果你本身有使用CRM，呢啲數據基本上系統會一一記錄低，咁樣追蹤成本低之餘數據亦非常準確，所以行為區隔係好有用嘅區隔方式。
- Psycholographic Segmentation （心理區隔）
心理區隔通常係解決客戶對營銷策略未有預期反應嘅時候最有效嘅途徑，因為企業需要透過訪問形式了解客戶嘅人格特質、價值觀、興趣、生活模式、心理因素、個人喜好等等，再進行深入嘅研究先可以獲得呢個資訊。
Segmentation 嘅重要性
- 設計有力嘅營銷策略（Marketing Strategy）
想避免因為廣泛使用信息而錯過潛在客戶，你可以按客戶群嘅需求制定更貼心嘅營銷信息。例如係當你落數碼廣告嘅時候，包括互聯網廣告、流動廣告及社交媒體廣告等等，你可以按年齡、興趣、地理位置同購買習慣等等嘅條件嚟定位受眾。 當你定義左你嘅廣告受眾之後，你就可以根據佢地嘅詳細特徵落更有針對性嘅廣告啦！
- 吸引並轉換優質潛在客戶（Leads）
更清晰、直接同有針對性嘅營銷信息可以令你設計嘅廣告更有效吸引到合適嘅觀眾群，亦即係品牌嘅潛在客戶。呢個觀眾群嘅需求同習慣同你嘅原有客戶非常相似，呢個時候吸引到佢地嘅眼球就可以將你嘅潛在客戶轉化爲買家。
- 提升客戶留存率（Retention Rate）
上面我地有提過，顧客嘅狀態其實都係你以行為區隔佢地嘅一種方法。要特登提呢點梗係有原因啦——咁當你發覺有班顧客好似已經有一段時間冇幫襯你嘅話，你更加可以喺呢個關鍵時機嘗試挽回佢地添。久而久之，企業嘅客戶流失率（Churn Rate）都會低啲啦！
- 將你嘅品牌同競爭對手劃分及提升親和力
當你了解自己嘅客戶群之後， 就可以通過特定嘅客戶需求區分你嘅品牌，更具體地說明品牌嘅信息，可以令你嘅品牌從芸芸嘅競爭對手中脫穎而出。能夠清楚道出顧客嘅困難（Pain Point）都可以成功咁引起佢地同品牌嘅共鳴， 呢種獨特嘅價值會令品牌同客戶之間建立更牢固嘅聯繫，大大提升品牌親和力。
- 保持自己品牌喺定位上嘅專注
訂立品牌嘅營銷定位可以令你嘅營銷目標保持喺正軌上面。 除此之外，更可以幫助你識別新嘅營銷機會，根據市場需求擴展業務。透過Segmentation，你可以更了解顧客種類，並為某類型公司比較側重嘅顧客度身訂造服務或產品。當你專注細分嘅目標市場嘅時候，你可以找到服務不足嘅小眾市場（Niche Market），從而開發新產品同服務。
點樣搜集對公司有價值嘅客戶資料？
- 採訪你嘅客戶或銷售團隊
要了解你嘅客戶，當然要直奔源頭！直接訪問現有客戶、理想客戶以及潛在客戶，提出可以幫助你去嘅不同類型嘅市場嘅詳細資料。如果你嘅業務屬於B2B形式，不妨向你嘅銷售團隊了解自己嘅客戶。佢地平日花大量時間同客戶合作，訪問你嘅團隊，搵出佢地同客戶合作時經常見到嘅共通點或市場趨勢。
- 參考你嘅業務數據
運用你嘅客戶關係管理工具（CRM Tool）、顧客數據平台（Cusomer Data Portal）同銷售點系統（POS）尋找同消費習慣相關嘅趨勢，包括客戶消費金額、訪問商店頻率以及購買嘅產品同服務類型嘅數據。
- 使用網站分析工具
你可以使用坊間嘅分析工具，例如係Google Analytics同SEMRush查找同各種類型市場區隔相關嘅詳細資料。例如，通過用戶訪問過嘅頁面、喺網站上停留嘅時間，以及邊啲引薦網站將用戶引導去你個網站開資料嚟了解佢地嘅行為同習慣。
Segmentation九宮格
要區隔你嘅客戶，你仲可以嘗試用我地以下呢個九宮格。當你有齊客戶聯絡資料同以下呢三樣野：幾時消費過（Recency）、幾經常消費（Frequency）同消費總金額（Monetary Value），呢三樣同客戶終生價值CLV（Customer Lifetime Value）有好大關係，你可以使用呢個九宮格開始市場區隔同定位（Segmentation targeting and positioning），從而選擇你嘅策略要target邊啲目標客戶啦！
你可以視乎客戶購買嘅次數定義接觸嘅客戶係高定低風險，另外，可以用消費嘅頻密程度同金額定義佢地係高或低價值嘅客戶。
就住呢個九宮格，你會留意到右上角同右下角嘅客戶係比較值得關注嘅。呢個時候，你就可以結合人口、行為、心理同地理區隔入面嘅客戶資料同客戶拉近距離，繼而提高客戶留存率（Retention Rate）同拉低業務嘅客戶流失率（Churn Rate）。
對於高消費、高風險嘅客戶，你可以優先選擇挽回佢地。只要搵出呢群客戶，再了解佢地嘅View Log，就可以經相關嘅Digital Footprint了解客戶嘅喜好就可以度身訂造符合佢地需求嘅獨家優惠提升同客戶嘅共鳴感，鼓勵佢地再次消費。
而低風險、高消費嘅客戶，就係你第二群希望接觸嘅客戶群啦！佢地已經係你嘅忠實fans，所以你只要提高佢地購物嘅頻率（Frequency）同價錢（Monetary Value），簡單講即係只要你提供更多適合佢地嘅服務或產品，就可以有效提升佢地嘅客戶終生價值CLV啦！
希望透過以上不同嘅Segmentation方法可以令你嘅業務更上一層樓，今日就開始徹底了解你嘅客戶啦！