80、90年代,通訊方式主要都係以室內電話同傳真為主
因為當時手機仲未盛行,所以當出咗室外,大家就會好似失去聯絡咁
因此,「傳呼機 (Call機) 」就開始普及,令大家喺室外都可以搵到大家!

Call機嘅技術主要都係單向式無線通訊
當你想搵人嘅時候,只要你撥打指定嘅電話號碼
對方嘅Call機就會發出「B-B-」聲嘅提示
之後你就要到附近嘅公用電話去覆機啦!
亦都係因為咁,有人叫Call機為「BB機」
20090522220853-2130174896
▲  一般「傳呼機 (Call機) 」機型

當年科技未發達,大家都靠依啲「Call機」嚟通訊
依家,大家都使用可以雙向溝通嘅通訊方式,包括打電話、Whatsapp等…
但竟然到今時今日,佢嘅技術竟然仲可以發揮防災嘅功能?

Tokyo Telemessage 係全日本唯一仲提供呼叫器服務嘅電信公司
究竟Call機消失咗咁多年,佢地係點樣生存到?

tokyo-messe-pager

2011年日本311大地震,為Tokyo Telemessage帶來咗一大啟示
當手機因為基地台損壞
即使手機嘅地震預警通知技術再先進,都傳達唔到比大家
而地震發生之後嘅資訊亦都一樣;
反而,Call機所用嘅280MHz 電波卻唔受依啲限制
喺地震發生時仍然可以傳送訊息比廣大範圍地域

因此,Tokyo Telemessage就決定轉移公司發展方向
針對日本災難,研發防災用的傳呼器相關產品!

最後,Tokyo Telemessage同日本政府合作
喺政府單位設立機房與電信塔,喺社區戶外裝設廣播式音聲
而且家家戶戶都可以喺政府資助下購買防災收音機!

newradiocradle
▲Tokyo Telemessage 推出的防災收音機

 

防災收音機同Call機一樣,都係使用280MHz 電波,並以單向傳達信息
平時可當作一般 AM/FM收音機咁樣使用
但當氣象單位的監測器感應有地震波或者堤防要潰堤嘅時候
防災收音機就會即時閃爍紅色應急燈,並發出最大聲響以提示大家
除咗語音通知之外,當中亦有文字顯示通知大家災難的消息

螢幕快照 2018-08-20 下午3.16.33
▲防災收音機會以文字顯示,通知大家關於災難的信息

透過依個防災收音機,用戶收到災難預報之後可以提早作出準備
而喺災難發生之後,即使電力中斷,手機冇信號
都仲可以透過依個用傳統科技嘅收音機嚟接收關於災難嘅消息!

想了解更多依個防災收音機,可以睇下以下影片介紹:

 


係依個年代,大家都研發緊一啲新科技、新技術
但有時候,迎新唔一定要棄舊
冇諗過一早被電話所取代嘅傳呼機技術,竟然仲可以咁有用處
所以話呢,有時重新審視一下我哋嘅舊科技,睇下可唔可以應用在現今科技上
都未嘗唔係一件壞事㗎!

Cr: Tokyo Telemessage