相信大家應該都經歷過幾個唔同嘅鼠年代,對滑鼠都唔陌生
但你又知唔知世上第一隻係咩樣,中間經歷過啲咩先變到依家咁樣呢?
等我帶你睇下滑鼠依五十年嘅進化史啦!

 

1968年,當時仲未有滑鼠,必須透過鍵盤輸入一啲繁瑣嘅指令先可以操作電腦
因此,Douglas Englebart博士為咗取代依啲麻煩嘅指令
發明咗世上第一隻滑鼠,當時稱之為「顯示系統的 X-Y 位置指示器
因為側面睇就好似一隻拖住好長尾嘅老鼠,所以就有咗「Mouse」依個名稱
而中文名就係因為我哋操作嘅時候需要將佢滑來滑去,所以就叫做「滑鼠」啦!

同一時期,德國嘅Telefunken公司有進行嘅相似嘅項目,設計咗RKS 100-86 (Rollkugel)

1973年,Xerox PARC研究中心將滑鼠應用喺電腦Alto當中,令大家開始注意到滑鼠。

當時好多滑鼠都採用滾球結構,而球結構很容易令灰塵同污垢埋藏於滑鼠內部
有見及此,StevenKirsch喺1981年設計咗第一款光學滑鼠
只要配上滑鼠墊,就可以利用光線代替滾球去追蹤滑鼠嘅移動啦!

1983年,Steve Jobs因為4年前參觀PARC研究中心嘅時候被Alto啓發
推出電腦Lisa嘅時候亦首次應用咗滑鼠,令
滑鼠愈來愈受大眾認識。

多年後,喺1996年,滑鼠又經歷另一個大改革!
加入
滾輪,令我哋可以上下滾動並用作中鍵功能
Microsoft推出嘅智能滑鼠就係代表之一啦!

喺1999年,Microsoft更用光學LED取代咗傳統滑鼠底部嘅滾球設計
改進之後唔洗再墊滑鼠墊都可以用到,方便好多,
光學滑鼠係依個時候亦都開始普及!

2003年,Logitech同Microsoft都分別推出咗藍牙滑鼠。

2005年,NewtonPeripherals亦推出咗超薄嘅藍牙滑鼠MoGo,唔同嘅時候可以插設中電腦充電。

2009年,Apple推出Magic Mouse,以一塊多點觸控板代替所有滑鼠按鍵同滾輪,滑鼠表面任何位置都可以進行滾動,仲可以用兩隻手隻操作更多手勢功能添!

近年,因為科技普及,很多人都需要長時間使用滑鼠,令好多滑鼠都加入咗人體工學嘅設計,希望減低因為長時間伏使用滑鼠而引致嘅種種不適,甚至症患。

 

以上就係滑鼠依五十年來嘅進化史啦,老老實實,你經歷過幾多個滑鼠年代呢?

Cr: Computer History Museum