【以色列公司推出電子價錢牌，可以自動更改價格？】

大家都知道，為咗公司最大嘅收益，好多企業都會根據市場需求同自身嘅供應能力
喺適當時候更改價格，就好似我哋成日留意嘅機票、酒店價格咁，成日變來變去！

如果你有做過零售業，相信都曾經呻過成日要換價錢牌好煩
定期特價時要換牌仔、有瑕疵品或者即將過期嘅野又要打另一張牌仔…
由其是超級市場，因為貨品種類繁多，每次換價錢牌都需要花費好多時間

最近，以色列公司「Wasteless」就推出咗同名電子價錢牌，可以自動更改價格
正如個名所講，希望可以令大家以低價購入即將過期嘅食品，減少浪費
同時節省人力同物力，減輕店員嘅工作量，令佢哋工作更有效率！

「Wasteless」同一般貨架標籤最唔同嘅地方
就係佢採用咗RFID技術（Radio Frequency Identification）監控商品的庫存量
一啲即將過期的食品，就會利用機器學習以原本價格作基礎
根據需量、地區、季節等43種因素即時變動產品價格，愈接近到期日，價格就會愈低
咁店員就唔洗再定期檢查邊啲商品即將過期，並為淡季旺季更改價錢嘅事再煩惱啦！