藉著新一年嘅開始,好多人都會因此定下目標同挑戰。
Facebook 創辦人Mark Zuckerberg 喺2016年初,
表示有意親手為自己嘅家打造(AI)人工智能管家。
轉眼間一年就過去,上個月佢亦終於公報開發成果!


Jarvis係以Python, PHP, Objective C語言編寫,
而“Jarvis” 依一個名稱,相信Ironman 迷會非常熟悉!
事關今次新開發嘅系統,正正就係以故事中Tony Stark 嘅AI管家為名同致敬!


系統同時具備學習功能,可以透過對話進行自我分析。
片中Mark Zuckerberg 一句 ”Good morning, Jarvis!”,
屋嘅窗簾就會自動拉開,並報告佢當日嘅行程同天氣。

除咗聲控亦可以透過手機同電腦與Jarvis溝通,
用戶就可以輕鬆操控家中嘅電器,好似切換冷氣溫度、
調整燈光同播放音樂!

 

其實從2014起,智能家務助理嘅產品開始普及,
Amazon Echo & Alexa 同新推出嘅Google Home,
亦顯示消費者對AI產品嘅需求。

雖然目前Jarvis 只運用係Mark Zuckerberg 嘅家中,
但小編唔排除Facebook亦會好似其他公司向AI 發展!


Mark Zuckerberg Jarvis原文: http://bit.ly/2ibM7AR

Cr: Facebook Jarvis