好多都市人都患有鼻敏感,
而對草花粉敏感亦係其中一個好大嘅原因。
因此轉季期間當花粉漂浮係空氣中,
過敏人士嘅身體就會出現唔同嘅反應,
瘋狂打乞嗤就更加唔洗講!


貼心嘅Google 宣布將推出新功能,
為需要人士建立「花粉預測報告」。
今次,Google 將與天氣頻道-The Weather Channel合作,去收集可靠嘅花粉密度指數。

giphy

一旦功能推出,用戶只需好似圖上一樣,
係手機版Google 搜尋花粉指數 (Pollen Forecast),
搜尋結果將顯示出未來五天嘅報告。
而用戶則可以點擊開啟提示信息功能,
為花粉水平達到高指標時,得到手機發出嘅相關通知!
另外Google 亦會根據用戶嘅顯示地區,
列出該區域嘅即時花粉水平。


其實以美國為例,
當地有五分之一嘅人都患上季節性過敏症,

因此小編認為,此功能有助患者去追蹤以及管理佢哋嘅症狀。
除咗可以提醒自己去食相關藥物之外,
亦可以有預兆地做好度過花粉季節嘅相應準備。
Google 雖然仲未向外公佈推出日期,
但應該係不久嘅將來就可以用到!

cr: Google