近年AI 持續發展,
人工智能已經成為未來世界重要科技之一,

更有專家指出,
未來百分之五十嘅工作,都將會被AI 取代。

簡單嚟講,AI 就係當電腦具有好似人類嘅思考方式,
然而再進行自我學習、交流同推理。



「虛擬個人助理」、「智能汽車」
以及「智能購物」,
一個個新嘅詞彙不斷刷新我哋對 AI 嘅認知,
並開始改變用戶嘅體驗方式。

隨著應用領域越來越多,
AI 技術就逐漸廣泛滲透你同我嘅日常生活之中。

而IBM、Google、Amazon、Miscrosoft同Facebook等科技龍頭大佬,
亦成立AI 組織-The Partnership on AI,去共同研究AI 等應用!

 

事實上,有關AI 將取代專業人才嘅言論一直都有好多種講法:



【圍棋界】

熱門話題之一嘅Google Deep Mind-AlphaGo,
係今年初獲得60 連勝並以五小時嘅激戰,
正式擊敗世界圍棋冠軍柯潔,完勝人類棋手!


【新聞界】

英國通訊社近日就得到Google 六百萬嘅資金,
並透露將開始利用人工智能技術去編寫三萬則地區報道。
當中AI 嘅工作包括輔助搜集相關嘅題材同素材,
並由「真人記者」進行最後嘅審核。

【設計界】

每年嘅雙11,阿里巴巴都有大量嘅海報banner需求,
因此開發「魯班」智能設計系統透過學習後,
熟悉不同設計風格並可以係一日之內設計到四千萬張banner!





無可否認,人工智能的確令人類嘅生活有所改變,

電腦同 AI 嘅結合,
令機器變得有智慧不特止,

更幫助降低無用而且低效嘅工作量!

雖然人工智能迅速發展,
但科技嘅存在正正就係為咗幫助人類,

所以小編認為無論AI 如何發展,
最終都需要「人」對事物同文化嘅審美眼光去批核。
始終人嘅自身情感,
都唔係科技可以輕易取代!


cr: Google, Alibaba, BBC, Alpha Go