來自日本嘅若宮正子婆婆(Masako Wakamiya),
係60歲退休嘅時候先開始慢慢接觸電腦!
近年透過Facebook Messanger同skype,
與網友學習用Apple Swift去編寫程式。

一切皆因市面上缺乏為老人家打造嘅遊戲,
因此若宮正子婆婆就決定自己設計一款App,
提高老人家對智能手機與電腦嘅興趣同需求。


相信如果一提起日本嘅「女兒節」,
唔少人都會諗起陳列台一系列嘅和服公仔。
其實日本人對人偶公仔嘅擺放方式非常講究,
不過傳統嘅擺法並唔係個個都咁熟悉!

 

所以若宮正子婆婆就利用半年時間去編寫Hinadan;
一款以傳統女兒節為背景嘅小遊戲。
玩家可以透過拼圖去學習女兒節公仔嘅正確擺放,
過關卡之餘,亦可以了解該節日嘅民族知識!


婆婆話佢曾經對電腦一竅不通,
亦非一個專業嘅IT人士,
但好希望可以透過科技,
帶比老人家更好嘅生活體驗。
未來亦會想繼續編寫更多有趣嘅手機程式。

大家不妨下載Hinadan,
支持依一位「活到老,學到老」嘅若宮正子婆婆!
IOS:http://apple.co/2lR8gkF

Ps, 有睇開TED嘅讀者,
應該都會睇過佢2014嘅演講,
當時婆婆分享Excel Art,更鼓勵人去追求夢想!

TED:http://bit.ly/2mw7m0Y (小編推薦!)


Cr: trueactivist