隨著3D打印技術不斷發展,多個領域亦嘗試得到應用。
用3D打印嚟起屋,聽落去好似好誇張,
但事實上已經有公司做緊!

初創公司Apis Cor,決定透過3D打印,
去解決全球房屋短缺問題!


第一站選擇係莫斯科進行測試,
當中包括3D打印墨水製作屋身、土牆及隔牆。
後期嘅工作就需要透過工人手動完成及鋪上電線,
並係短短一日24小時內完成所有建築!

 

依座3D打印出來嘅房屋,
只係傳統房屋建築成本嘅三成!
今次亦大大減低建築材料及勞動力嘅成本,
因此製作成本亦只係大約8萬港元!


Apis Cor亦聲稱房屋嘅壽命可以維持175年。
400呎嘅單層小屋配有臥室、大廳、
浴室及開放式廚房。

其實利用3D打印技術去起屋並唔係新鮮事,
杜拜及丹麥等國家亦有利用該技術去發揮創意。
如果對3D打印建築物有興趣嘅讀者,
可以留意杜拜-全球首個3D打印嘅辦公大廈及摩天大廈!

cr: Apis Cor