糖尿病可以引發好多唔同嘅併發症,
好多病人更會出現視角膜損壞而導致失明。
16歲來自印度嘅Kavya Kopparapu,
因為爺爺患上糖尿病視網膜病(DR),
而決定開發一種簡單嘅檢查工具去幫助其他病患者!


「視網膜病」嘅傳統診斷方式,
需要花一至兩小時嘅儀器測試去診斷。
但考慮到昂貴嘅費用及較長嘅診斷時間,
Kavya 決定開發手機應用程式:Eyeagnosis 。
當中透過AI 識別系統及低成本嘅3D 打印鏡頭,
去觀察糖尿病患者嘅眼膜變化跡象。

 

只要將鏡頭安裝到智能手機並套Eyeagnosis,
就可以令鏡頭自動對焦去拍攝人嘅眼睛特寫。
AI系統就可以從照片提供初步診症!
目前Kavya 嘅團隊已經同孟買嘅眼科醫院合作測試,
Eyeagnosis 唔單止可以檢測眼膜變化,
更可以係無需注射螢光染料之下,
顯示眼球嘅血管及動脈瘤!


缺乏診斷係好多貧窮國家一直存在嘅醫療問題,
往往有好多病人因察覺唔到病徵而錯過診斷時間。
雖然Eyeagnosis 仲需要多項臨床測試及改良,
但的確令人感嘆年紀輕輕嘅Kavya,已經設計出
一個可以影響全球1/3糖尿病患者視力嘅設備!

有興趣嘅讀者可以觀看
早前Kavya 係TEDx 嘅演講!
http://bit.ly/2uueMr2


Cr: Kava Kopparapu, Eyeagnosis