一個「社交媒體平台」如果缺乏獨特性,就難以吸引大眾持續使用,
因此係過去幾年,Facebook一直透過留意市場趨勢去新增唔同嘅功能。

除咗提高用戶嘅體驗之外,更希望增加大家逗留係Facebook嘅時間!
而近日已經覆蓋多個領域嘅Facebook,
宣布將會係美國地區推出Messenger 轉帳同訂外賣功能!

PayPal


今次Facebook 將與Paypal 合作,
等大家可以簡單快捷哋透過Messenger 去過數比朋友!
雖然手機支付嘅方法越來越多,
但Facebook 正正針對用戶嘅方便性,
係傾計嘅同時亦可以直接從該平台轉賬。
換據話講,用戶就可以毋須離開介面,
或開啟任何第三方應用程式!

oct302 1


除此之外,Facebook 亦搵嚟Five Guys 同PaPa John’s 等連鎖快餐店合作,
將服務延伸到訂外賣,向FoodPanda 及UberEats 下挑戰書!
「Facebook Order Food」只需用家透過定位,
就可以顯示附近嘅餐廳及餐單,方便用戶落單!


事實上現時Facebook大部分嘅功能,都覆蓋生活多個領域,
好似傾計視頻、玩VR、二手買賣同搵工等等。
雖然今日小編介紹嘅新功能都暫時係美國搶先推行,
但相信係持續發展之下,香港嘅用戶都可以係不久嘅將來用到!
以後更好有可能可以係無需離開Facebook 嘅介面之下,
一站式做晒所有日常所需嘅事!

Cr: Facebook, Cnet