1. Twitter 嘅原名？
想當年係 04-06年，外國好興用Flickr 去擺相同寫Blog。
而Twitter 嘅原名正正從Flickr 得到靈感而差啲叫做「Twttr」！
當時原創人嘅第一個Tweet，更係“Just setting up my twttr”
–
2. Twitter 嘅改革？
140個上限字「精而簡」可以話係Twitter 嘅特色之一，
用戶亦因此需要多花心思去縮短發送貼文！
(當中包括Donald Trump在內！）
但估唔到，咁多年以來一直都堅持依一點嘅Twitter，
就係上年進行改革，將文字嘅上限增加至280 個字，
官方透露嘅原因係希望用戶可以更暢所欲言，
亦方便各個品牌進行Marketing 推廣！
–
3. 日本人係Twitter狂熱Fans？
雖然係香港比較少人用Twitter，
但原來日本有過四千萬嘅活躍用戶。
係全球Twitter 用戶數量No.3 高嘅國家，
僅次於美國同巴西！
Twitter 匿名以及隨心發文嘅風格，
令到好多日本嘅年輕一輩都好鍾意透過Twitter 去評論唔同範疇嘅事。
相反地，隱密度較為低同主要推廣個人生活嘅Facebook，
就因當地人較為保守而難以吸引日本用戶！
2018年1月1號元旦當日，
日本嘅Twitter Server 更因流量過大而出現服務故障！
另外日本亦曾經創下四次每秒最多Tweet嘅紀錄添啊！
–
4. Twitter 都用 AI ？
好多時係 Twitter upload完張相之後，
個版面都會好似以下咁將你張相 crop咗。
冇得調整返好張 thumbnail 圖，
而往往令到好多用戶覺得討厭！
Twitter 了解用戶嘅困擾後，
決定透過AI 人工智能，
去將預覽圖自動剪裁同移位！
令到用戶上載嘅圖片更清晰，
話晒預覽圖好睇啲，用戶都會有多少少動力Click入去！
–
5. 2017年最多「Retweet」係…？
雖然好多名人都使用Twitter，
但原來得到最多次「Retweet」嘅用戶，
並唔係咩公眾人物，而只不過係一位中學生？
來自美國，16歲嘅 Carter Wilkerson，
透過Twitter 開玩笑地問連鎖炸雞店Wendy’s，
到底需要幾多次Retweet 先可以得到一年嘅免費炸雞。
有趣嘅係，當時官方回覆「1,800萬」，
網民於是幫手瘋狂推文，最後得到一年嘅免費炸雞至於，
亦被吉尼斯紀錄 （Guinness World Records）認證！
–
Cr: Twitter