仲有唔夠一個月就到美國每年盛大嘅St. Patrick’s Day。
有如其他節日一樣,麥當勞將推出期間限定飲品,
而特別之處係搵嚟航天工程公司設計嘅「奶昔專用飲管」!


麥當勞拋棄傳統概念,更經過複雜嘅流體動力學測試,
創造出今次嘅J形飲管,務求帶比客戶新嘅體驗。
飲管係不同嘅位置設有四個窿,
一長一短嘅概念等客戶可以吸入不同嘅層面嘅奶昔。
而隨著飲品嘅融化程度,亦可以得到唔同味道嘅體驗。

麥當勞將會係80個城市嘅店舖內免費發放,
限定2月24號同3月1號!
佢嘅可用性小編就唔知啦,
不過的確為該品牌帶黎一點gimmick!

有興趣嘅讀者可以睇下佢嘅製作過程:
http://bit.ly/2kUbVht

cr:McDonald’s