任天堂 Switch推出後大受歡迎,
遊戲中處處充滿驚喜亦充分發揮 Switch嘅功能,
而全球各地更一度處於供不應求嘅狀態!


Switch大部分嘅遊戲其實係用Unreal Engine 同 Unity開發,
因此英國科技公司FUZE 就決定推出-
簡易版嘅Switch 程式編輯工具「FUZE Code Studio」!

其實FUZE嘅產品一向針對學生編程教育,
籍著今次嘅機會FUZE 希望可以有一個更簡易嘅方法,
等用家可以透過Switch 學習唔同嘅編碼語言同編寫遊戲!

 

用家透過FUZE 嘅專用程式,
再利用虛擬鍵盤或外接鍵盤去輸入,
就可以直接用Switch 主機去進行編程工作。

雖然當中已經附有唔同嘅素材,
但大家亦可以自行繪畫同錄製遊戲聲音,
將自己嘅創意去製造出獨一無二嘅2D 或3D遊戲!


睇嚟Switch 除咗係遊戲機之外更可以作為教學用途,
目前預計FUZE Code Studio將會喺2018年推出,
有興趣嘅朋友就需要等等啦!


Cr: Switch, FUZE