手機發展競爭激烈,曾經係手機界稱霸一方嘅BlackBerry
以極高嘅保安服務成名,當年Obama同美國政府官員都係用佢!


可惜BlackBerry都係敵不過時代嘅巨輪。
品牌將推出最後一款自主設計嘅手機:KEYone
雖然KEYone已經多次係網上曝光,但早前終於面世!
除咗加入Andriod系統,亦保留佢嘅經典實體鍵盤。

 

其實回想起小編當年係英國嘅校園歲月,
身邊有高達9成同學,都係用緊BlackBerry系列嘅手機。
當時Social Media仲未發展龐大,所以BBM通訊更係學生之間溝通嘅主要渠道。


近年隨著Apps市場同Social Media嘅高速發展,
更間接帶起其他新穎智能手機嘅出現同挑戰,
BlackBerry亦因此逐漸受到消費者淘汰。

不過小編認為BlackBerry係手機發展嘅歷史,
依然具有一定嘅地位同情懷!
而今次推出「告別作」KEYone,
相信亦為 BlackBerry 系列畫上咗完美嘅句號。

有關KEYone: http://bbc.in/2mNsrB0

cr: BlackBerry